Þá er febrúar komin og afmælismánuðurinn mikli liðin hjá. Ég ætla að koma með nokkra punkta sem á daga mína dreif í þessum fyrsta mánuði kreppuárs.

-         Ég og Kalli áttum tveggja ára afmæli í janúar og skelltum okkur á Ask sem er með dýrindis steikarhlaðborð á sunnudögum og borðuðum á okkur gat! Svo fékk ég gullfallegt hálsmen að gjöf J

-         Talandi um gjafir, þá splæstum við á okkur sjónvarpsflakkara fyrir helgi! Ótrúlega sætur og flottur. Okkur hefur lengi langað í svona grip og skelltum okkur á hann svona í miðri kreppu Vígðum hann í gær og horfðum á Jaws...ég bara ekkert mikið hrædd...bara pínu

-         Svo er yarisinn búin að fá smá andlitslyftingu. Það var skipt um dempara á honum og svo var hann allur þveginn og bónaður, sett krómgrill framan á og er bara gullfallegur! Gott að eiga góðan tengdapabba J

-         Núna er vettvangstengda valið að fara á fullt. Erum búnar að fá leikskóla í Fellunum og innleiðum þar barnasáttmálann. Það verður þvílík áskorun en ábyggilega alveg rosalega gaman! 

-         Ritgerðin er líka komin á fullt...ætla að vera búin að skrifa fræðilega hlutann núna í febrúar ( og fæ pezkall ef það gengur eftir! ) en við ætlum svo að gera skráningar á tveimur leikskólum fyrstu vikuna í mars J Vonandi kemur eitthvað spennandi út úr því.

-         Núna hef ég farið 2 – 3 í viku í skvass klukkan hálf átta á morgnanna! Ég tapa að vísu alltaf en með hverjum deginum minnkar munurinn! Ég er líka byrjuð í sjúkraþjálfun og fer því vonandi að lagast í bakinu. ... get hætt að vera eins og áttræð kerling.

-         Vinavika var í leikskólanum mínum í síðustu viku og það var rosalega gaman. Ég gladdi vin minn með t.d. happaþrennu (vann 300 kall!) og draum súkkulaði (því fylgdi myndir af berum karlmönnum ) og fallegar orðsendingar J ég fékk líka orðsendingar á hverjum degi frá vini mínum (sem mér fannst mjög gaman þótt ég mæti bara tvo daga í viku) og í lokagjöf fékk ég spegil með sjálfstyrkingarmiða, baðbombu og súkkulaði! Þetta var rosalega skemmtilegt og gaman að hlúa að vinnufélögunum

-         Mig er einnig farið að klæja óstjórnanlega í að flytja út í smá tíma ... er það þroski? Er það ástandið? Er það flótti frá einhverju? Ég veit ekki ... en þetta er staðreynd....nú hefst ég handa við að freista mannsins og vona að hann langi einnig

 

Ég kveð ykkur að sinni ...búin að blaðra nóg !

  Þá er komið nýtt ár, ný önn og ný verkefni.

Ég hef verið afar löt að blogga en ég ætla bara að hefja leikinn á nýju ári 2009.

 Ég byrjaði árið á því að vera lasin .. það var ekki fjör. Reyndar varð ég ekki lasin fyrren annan í nýári, svo tæknilega séð byrjaði ég nýja árið í faðmi fjölskyldunnar á gamlárs  Ég fór á sýklalyf í næstum tvær vikur en er öll að braggast núna sem betur fer J Ég byrjaði í skólanum á mánudaginn og það var frábært. Ég er nottla svo rugluð að ég elska skólann og fann bara þegar ég gekk inn hvað ég saknaði hans í þennan eina mánuð hehe saknaði krakkana og andrúmsloftsins. Ég verð í þremur áföngum þessa önnina. Það er samskipti og stjórnun og svo vettvangstengda valið þar sem ég verð með Steinunni og Lenu. Þar ætlum við stöllur að innleiða barnasáttmálann inn á leikskóla hér í bæ. Þetta verður án efa mjög skemmtilegt, en að sama skapi ótrúlega krefjandi og erfitt. Ég hlakka þó til að vinna með þetta og held þetta verði bara fjör. Samhliða þessu verð ég svo að skrifa B.ed ritgerð með Lenu minni þar sem við höfum ákveðið að fjalla um samskipti kennara og barna. Einnig mjög krefjandi og tímafrekt en við ætlum að hafa gaman af þessu Við verðum þó það mikið saman að ef til vill förum við að hárreyta hvor aðra! En vonandi mun vinskapur okkar standa af sér þennan stressstorm sem er í vændum

Ég verð ekki bara í skólanum því ég og Steinunn Fríður höfum fjárfest í árskorti í Veggsport takk fyrir! Nú skal bara verða helköttaður og feiknaformi með hjálp skvassins! Að auki reyni ég að vinna á leikskólanum, vinn bara 6 tíma á viku og finnst ég varla hafa tíma til þess Svo það verður mikið að gera hjá mér fram í maí....alllt á fullu.

Janúar er nú meiri afmælismánuðurinn... á morgun ætla ég að skella mér í afmæli Eddu minnar...þar mun ég drekka og drekka, enda hef ég ekki drukkið í rúmlega mánuð. Ég mun því skemmta mér aaaafskaplega vel eins og er von og vísa með Eddu

Ég hef fundið nýjan þátt...reyndar einungis nýjan fyrir mig How I met your mother er nýja æðið mitt...ég mæli endalaust mikið með honum. Klassaþáttur.

 

Ég fór á Sólskinsdrenginn á sunnudaginn með múttu og Steinunni Fríði. Mæli hiklaust með þeirri mynd. Einhverfa er svo óútreiknanlegt fyrirbæri og þessi mynd opnaði augu manns fyrir svo mörgu. Sumt var bara einum of ótrúlegt til að vera satt en allt mjög fróðlegt. Það sem mér fannst sorglegt var að svo lítil úrræði séu fyrir þessi börn hér á Íslandi. Sem er auðvitað skiljanlegt miðað við stærð og höfðatölu en vonandi verður meiri vakning hér í kjölfar aukinnar umræðu. Mér fannst einnig athyglisvert að í myndinni var sagt að einhverfir ættu í raun ekki að vera í venjulegum skóla, heldur skóla fyrir einhverfa. Þeir væru nefninlega ekki líkir öðrum fötluðum nemendum, eins og nemendum með Downs og önnur heilkenni, að einhverfir herma ekki eftir öðrum og umhverfi sínu. Þetta vantar algjörlega í alla umræðuna um skóla án aðgreiningar. Erum við að gera þessum hóp slæmt með að hafa þau í hópi jafnaldra? Er þetta eini hópur barna með fötlun sem ættu að vera í sér skólum en hin gætu sótt skóla fyrir alla? Er skóli án aðgreiningar ef til vill bara draumasýn sem gengur ekki að fullu upp? Þessi athugasemd þessa fræðimans stakk mig svolítið og fékk mig til að hugsa um allt sem ég hef lært í skólanum, en þar er skóli án aðgreiningar næstum lögmál. Getur verið að sú hugmyndafræði gangi hreinlega ekki upp, ekki vegna manneklu eða fjárskorts, heldur einfaldlega vegna eðli fötlunarinnar?

Myndin skildi mikið eftir sig og vekur upp margar spurningar.

En í eitthvað aðeins léttara Þá var ég að enda við að horfa á atvinnumennirnir okkar þar sem Logi Geirs fór á kostum. Þessir þættir lofa góðu, skemmtilegt fyrir forvitnar manneskjur að fá smá innsýn inn í celebinn Skemmtilegir þættir með góðum húmor. Hlakka til að sjá þá næstu.

Nú ætti ég að fara að lesa eitthvað ... er að fá nett stresskast yfir því að vera varla enn byrjuð í skólanum! Þarf að hefja lesturinn... á morgun verð ég líka rosa dugleg Fer í ræktina hálf átta! Jább sagði ykkur það ...ég verð heeelköötuð  

kveð ykkur með mynd af nýju klippingunni minni, ala Edda

IngaRut ...

- er í Maríó Bros á sunnudagsmorgni

- nennir ekki að standa upp og taka til

- og Lena eru búnar með Áfallahjálpar ritgerðina sem er mikill léttir

- Hlakkar til jólanna...er búin að kaupa aðventuljós og bíður eftir að skreyta!

- kvíðir næstu önn

- verður útskrifuð í vor!

- veit ekki hvað á að gera þá ...

- þarf að skrifa ritgerð um hvernig hún á að vinna með dygð eða tilfinningu í samverustund með börnum....any ideas?

- vonar innilega að kallinn hennar komi heim með bakarísmat á eftir ...mmmm

- kveður ykkur með gamalli mynd

Nú fer að síga á seinni helming annarinnar.....ég er orðin frekar stressuð yfir öllum verkefnunum en vonandi reddast þetta. Ég hlakka reyndar til prófavertíðinnar sem kemur með tilheyrandi nammiáti og skyndbitafæði, bröndurum og góðum félagsskap en umfram allt gífulegri þekkingu

Ég sé svo ekki fram á að ég komist í meistarnám svo ég verð sennilega að fara að vinna í vor.Hugsa að ég verði bara áfram á Reynisholti, mér líður ágætlega þar ég er þó búin að ákveða efni í lokaritgerð sem ég mun rita ásamt Lenu minni "Hvernig er samskiptum milli kennara og barna háttað og fámennum og fjölmennum deildum leikskóla?" Spennandi?

Ég fer á Sigur Rós í mðri geðveikinni í lok mánaðarins...hlakka geggjað til þess. 

Mér leiddist svo við að læra að ég ákvað að blogga og finn svo ekkert merkilegt að segja! .

Adios!

Mig hefur grunað að ég gæti verið með ofnæmi fyrir einhverju. Stundum í vinnunni bólgna augun mín upp og mig klæjar og klæjar og hnerra jafnvel mörgum sinnum. Ég tók eftir því að þetta hafði gerst tvisvar sinnum í leikskólanum þegar kiwi hafði verið í matinn og ég auðvitað sker kiwi - ið þótt´eg borði það ekki.
En í dag þá ákvað ég að athuga í eitt skipti fyrir öll hvort ég væri með ofnæmi fyrir umrædda kiwi. Ég ákvað að fá mér bita....

Strax fékk ég kitl í tunguna og svo fékk ég þvílíkan þurrk í hálsinn svo það var virkilega sárt að kyngja. Að lokum var ég farin að tala svo asnalega að vinnufélagarnir gátu varla hlustað á mig, þær þurftu að flissa svo mikið. Ég talaði eins og ég væri með loftbólu í hálsinum!!

Þar sem ofnæmi fyrir kiwi getur verið ansi alvarlegt og hálsinn gæti lokast, ákvað ég að stökkva til læknisins. Ég borgaði honum 2200 fyrir að segja mér að ég væri góð í bili. Ekki alvarleg einkenni svo ég fékk ofnæmispillu og líður miklu betur.

Ég hef alltaf verið ofnæmislaus og tek þessum nýja skaðvaldi ekki með opnum höndum !

 

..og sællegar kýr út á túni

Það hefur nú meira drifið á daga mína síðan ég bloggaði síðast en oft áður. Um síðustu helgi skelltum við Kalli okkur norður í sumarblíðuna. Við gistum hjá ömmu hans og afa rétt hjá Sauðárkróki á föstudagsnóttinni og lögðum svo land undir fót á laugaradeginum. Við keyrðum og keyrðum, skelltum okkur á Siglufjörð, Ólafsfjörð og Dalvík á leið okkar til Akureyrar. Mér leið nú ekki vel í þessum þröngu göngum, eru ekki fyrir fólk með innilokunarkennd! Þau eru einbreið með litlum útskotum og við lentum í því að mæta bíl í miðjum göngum og þurfa að bakka í næsta útskot! (Þetta finnst Siglufirðingum örugglega ekkert merkilegt ).

Á Akureyri löbbuðum við um í blíðunni og ég kíkti á gamla húsið sem pabbi fæddist í og ólst upp í; Víðimýri níu. Ansi merkilegt hús svo var kíkt í jólahúsið og mig langaði nú í margt þar enda algjör jólastelpa ! Ég lét það þó eiga sig og við brunum lengra austur(eða norður :/ ) í átt að Vaglaskógi og gistum á litlu tjaldsvæði við gamlan bæ, tjölduðum bara við hliðina á rúllunni!

morguninn eftir var glampandi sólskin og 20 stiga hiti svo við skelltum okkur í eldgamla sveitalaug og héldum svo heim á leið. Við keyrðum um 1100 km þessa helgi og var þetta rosalega fínt og afslappandi (allavega fyrir mig, ég keyrði ekkert!).

Lakkrís, heimalingurinn í sveitinni sem spilar fótbolta og lætur alveg eins og hundur!

Sól og bliða í útileigu

 Um verslunarmannahelgina skildi ég svo Kalla eftir heima og skellti mér með familíunni austur í sveitina. Þar var afslappandi og gaman að vera og ég fór aðeins á bak! Rosalega dugleg! Fór að vísu ekki langt en hleypti klárnum mínum þó á töltið og brokkið og fannst ég alveg örugg. Ég get nú ekki verið þekkt fyrir að eiga hest og fara ekki á hann!

Magga Lilja á Mána mínum

Ég, mamma og amma keyrðum svo á sunnudaginn í gegnum Meðallandið. Þar fæddist amma og er ég því ættuð þaðan. Ég hef þó aldrei keyrt þarna í gegn svo ég muni og hef aldrei séð Melhól sem er bærinn sem Amma fæddist á. Það var rosa gaman að keyra þarna í gegn og sérstaklega líkaði mér hundarnir á Melhól. Þar var einn hvolpur, einn fullvaxta og einn eldgamall hundur og þeim fannst svo gaman að elta spýtur að þeir komu með hana aftur og aftur og ég kastaði og kastaði. Og alltaf náði "unglingurinn" spýtunni og kom með til baka!
Svo var étið og étið og spilað og ég fór svo heim með múttu í bíl. Við skelltum okkur á Byggðarsafnið á Skógum ásamt pabba og það var rosalega skemmtilegt. Virkilega gaman að skoða gömlu munina og gaman að sjá að þeir voru frá bæum sem maður kannaðist við! Meira að segja einn frá Teygingalæk!   

Fleiri myndir frá báðum ferðalögunum er að finna hér www.ingarut.photoape.com

 Úff ég held ég hafi verið að setja met í löngu bloggi, allavega hjá mér svo ég læt þetta gott heita!

Nú er ég hálfnuð í sumarfríinu mínu og hef ég gert margt og mikið. Ég hef til dæmis kíkt í heimsóknir, tekið til, horft á sjónvarpið, sofið og margt fleira!

Ég ákvað að prófa að láta framkalla myndir frá Uk og senda heim því það kostar hálfan handlegg hérna heima. Ég var nú ekki sátt í fyrstu þar sem það tók mig heilan dag að uplóda myndunum svo þeir gætu prentað fyrir mig! En innan við viku seinna eru myndirnar komnar og mikið rosalega er miklu skemmtilegra að skoða þetta svona. Ég er búin að kaupa mér tvö gamaldagsalbúm og þau verða nú fyllt!

Ég hef líka fundið fyrir ferðaþrá upp á síðkastið. Mig langar jafnvel í nám út! Veit samt ekkert hvert eða hvaða nám en það kemur í ljós. Mig langar líka bara til að ferðast, keyra um Evrópu til dæmis.
Talandi um nám þá get ég ekki beðið eftir því að skólinn byrji aftur! Ég hef meira að segja hafið lærdóm og hlakka mjög til næstu annar. Mig þyrstir einnig í þekkingu af alls kyns tagi og fór með Lenu og Baltasar á bókasafnið í Kópavogi í dag. Rosalega er það stórt og flott. Mér fannst bara allt öðruvísi bækur þar en á borgarbókasafninu og miklu flottari. Ég er að hugsa um að fá mér kort þar og svala þorstanum!

Talandi um hana Lenu mína þá átti hún afmæli á laugardaginn Til hamingju með það! Ég kíkti í teiti og varð ekki fyrir vonbrigðum. Skemmti mér mjög vel, enda kom varla annað til greina Lena er nú líka komin í frí svo vonandi mun mér ekki leiðast eins mikið ótrúlegt að maður skuli kvarta yfir því að hafa ekkert að gera í sumarfríinu. Svo um leið og ég fer aftur í vinnunna á ég eftir að óska þess að vera bara heima. þetta er ósköp notalegt en mér finnst eins og ég eigi að vera gera eitthvað annað en að horfa bara á sjónvarpið !

yfir og út

Um helgina ákváðum við að gerast menningarleg og nýta safnardaginn mikla. Við skelltum okkur á árbæjarsafnið og þjóðminjasafnið. Það fyrirnefnda hef ég ekki farið á síðan snemma í grunnskóla og aldrei á þjóðminjasafnið svo ég muni.

Þetta var mjög skemmtilegt og er ég frekar fúl að hafa gleymt myndavélinni En það er svo gaman að kíkja inn í gömlu húsin og fannst mér sýningin á gömlu leikföngunum algjör snilld. Þarna voru eldgömul leikföng og líka þau sem ég lék mér með þegar ég var lítil. Þarna var nintendo talvan mín og búðarkassinn og turtleskallarnir! Og frábært að krakkarnir fái að snerta og leika sér í þessu, mjög barnvænt safn. Sýningin diskó og pönk var líka mjög skemmtilegt. Þar var til dæmis herbergi hins dæmigerða pönkara þar sem skítugir sokkar lágu á borðunum og cocacola glerflöskur á borðunum

Við kíktum svo á þjóðminjasafnið og þar var svona flugvallarfæriband með munum frá ýmsum tímum, allt til okkar tíma. Hver tími fékk svona sinn kassa og var allt frá eldgömlum hrærivélum til tyggjó og nælonsokkabuxna frá stríðsárunum og svo fartölvu og annað frá okkar tímum. Og rosalega er byggingin flott.

Kannski maður verði bara ennþá menningarlegri í framtíðinni og geri safnafarir að reglulegum viðburði

Annars vantar mig bara eitthvað að gera í sumarfríinu ...

ég var orðin hundleið á að sjá alltaf sömu færsluna hér á þessari síðu svo ég ákvað að bæta inn nýrri

Eftir viku fer ég aftur í sumafrí Leikskólinn lokar í tvær vikur...sweeet...starfi mínu með elstu börnunum er líka lokið. Það var mjög skemmtilegt og á ég eftir að sakna þess svolítið. Fyrir utan að það var mjög óþægilegt að vera svona ein á deild og skipulagið hefði nú mátt vera betra. En ég lærði heilmikið af þessu.

Svo er það bara útileigur og ferðalög og afslöppun!

Skólinn tekur síðan við og rosalega pirrar þessi sameining mig! Háskóli Íslands er ekki alveg að gera sig hjá mér. Ég vil miklu frekar vera í KHÍ heldur en Menntavísindasviði Háskóla Íslands! Samstarf okkar byrjaði nú ekki vel en ég reyni að hafa opin huga

Jæja ég hef ekkert að segja! Heyrumst!

Prófin eru búin !!! og öll verkefnin þó eitt hafi nú verið til trafala :/

Ég átti að skila ferilmöppu í myndmennt núna á föstudaginn en ákvað að vera rosalega dugleg og skila henni síðasta mánudag þegar ég var búin í prófinu þar sem ég byrjaði nú að vinna á þriðjudaginn. Ég skilaði á staðinn sem hún var búin að tala um en um kvöldið fékk ég mail um að það ætti að skila henni á annan stað. Á þriðjudaginn dobblaði ég Lenu til að svissa um stað, semsagt færa möppuna mína en hún gat ekki fundið hana og kennarinn hafði ekki séð hana! Ég varð alveg vitlaus enda 50 blaðsíður í hágæða lit útaf ljósmyndunum. Sem betur fer voru samt ekki verk í þessari möppu, en hún var um leir. Ég fór upp í skóla og leitaði og leitaði og fann hana hvergi svo ég varð að prenta hana út aftur og skila í dag :/ Ekki sátt, þurfti að skreppa úr vinnunni og láta gorma aftur og þegar ég rétti gaurnum möppuna til að gorma gleymdi ég einu blaði!! Svo það er eitt blað laust aftast í möppunni minni!. Ég hugsaði með mér þegar ég var að labba upp bröttu stigana í Skipholtinu hvort ég myndi ekki bara rúlla niður á hausnum til að kóróna þetta vesen. Svo fæ ég örugglega bara 6,5 fyrir þetta helv...!!!

Úff þá er þetta komið frá mér   Ég er komin í fulla vinnu á Hálsaborg og fæ að vera með elstu börnin sér í júní og gera eitthvað skemmtilegt vinna í einingarkubbunum, fara í vettvangsferðir og annað skemmtilegt. Hlakka svaka til Ef þið hafið skemmtilegar hugmyndir til að gera með 5 -6 ára crazy kids þá endilega látið vita

Það er komið sumar! Maður veit að það er komið sumar ef maður fer út með krakkana á leikskólanum eftir kaffi Það var ót´rulega heitt og gott veður í garðinum, eg var alveg að stikna. Hvernig í ósköpunum á ég að lifa af Tyrkland

Svo er bara matur með glyðrunum og próflokapartei á morgun

Gleðilegt sumar! 

Já myndabloggið mitt sló svona svakalega í gegn

Mig langaði til að kast ahérna kveðju inn en úna veit ég ekkert hvað mig langar til að segja

Lærdómurinn fer á fullt núna frá og með morgundeginum. Það þarf að klára tónlistarverkefni og ferilmöppu, leggja lokahönd á ferilmöppuna í myndmennt og undirbúa prófalestur. Það er þó sem betur fer bara eitt próf á mánudaginn og svo fer ég bara að vinna á Hálsaborginni
Mig langar bara aldrei að hætta í skóla....alltof stuttt nám og alltof lítið eftir...langar að fara í master líka en hann er bara tvö ár í viðbót hvað á ég að læra svo?

En þar var ég einmiitt að vinna í dag og fékk að fara fyrr úr vinnunni. Ég fer heim og finn þá ekki lyklana mína í töskunni. Ég rótaði og rótaði og mundi eftir því að hafa sett þá í töskuna mína í morgun. þá byrjaði að rigna og þegar var frekar kalt og ég á peysunni og allt dótið mitt út um allt. Needless to say, var ég orðin rosa pirruð svo ég bruna niður í háskóla til að ná í lykla hjá Kalla....klukkan fimm !! umferðin var kreisí! Ég hringdi í Lenu á leiðinni til að ath hvort ég hefði gleymt þeim í skólanum en svo var ekki. Núna var ég orðin svolíitð freaked að hafa týnt þeim einhversstaðar. Eftir laaangan tíma var ég loksins komin niður í háskóla. Um leið og ég var komin þangað mundi ég hvar helv lyklarnir voru! Ég er með skáp í vinnunni og hafði skilið lyklana eftir í skránni! Klukkan var núna orðin hálf sex og leikskólinn búin að loka. Ég ákvað þó að kíkja upp eftir (sem tók auka tuttugu mínútur og var ég á 20 alla leiðina) ef ske kynni að ennþá væri að skúra. Sem betur fer var svo og ég gat náð í lyklana mína. Svo í staðinn fyrir að fara beint upp í seljahverfi og láta þetta taka 15 mín tók þetta tæpan klukkutíma! Það sauð svoleiðis á mér að ég þurfit að fara til mömmu og borða kókosbollur til að ná mér niður!!

En ég er róleg núna Það er líka alltaf gaman að sjá liverpool tapa

Ég er með endalaus leikskólalög á heilanum. Er að leita að efni fyrir tónlistarverkefnið og það verður svolítið pirrandi að hafa þessi lög sönglandi í hausnum á mér. Þá finnst mér ég knúin til að deila gleðinni með öðrum og syng því oft fyrir Kalla á köldum Reykjarvíkurkvöldum...en hann virðist ekki kunna að meta það. Ég syng fjölbreytt lög, íslensk og afrísk, en ekkert virðist geta glatt hann. Mjög skrýtið. Þá reyni ég að segja honum frá því hvernig börnum gengur að fara úr leikskóla í grunnskóla og rannsóknir á því sviði...honum þykir það ekki heldur skemmtilegt. En þegar ég þyl upp nöfnin á fótboltagaurum og öskra og hrópa með honum yfir leikjum...það þykir honum gaman Svo vonandi næ ég að jafna þetta út!!

Ég held að það sé barasta að koma sumar. Ég hlakka til, helgarfrí, Tyrkland!! og eyða tíma með Kalla í bongóblíðu

held að þetta sé tilgangslausasta blogg sem ég hef bloggað.
Gangi ykkur vel í prófum og megi sumarið koma sem fyrst!

þá er maður komin heim úr sveitinni. Við fórum í fermingu til frænku hans Kalla og ég nýtti tímann vel og skellti mér í fjósið og fjárhúsið ! Þar sá ég svaka sætan kálf, nautheimsk naut og litla sæta kind sem naut þess í botn að láta knúsa sig! Ég sver hún hefði malað ef hún hefði verið köttur!

Kalli tekur sig vel út sem bóndi! Kannski við flytjum bara í sveitina

Ég og nýja vinkona mín algjör kelirófa!

Ég og litli kálfur

Átta naut voru í einu fjárhúsinu og tvö í fjósinu

Á heimleið

phew þetta var gaman ég hef ekki skellt mér á svona tónleika í tja....eitt og hálft ár amk!!! þetta var rosalega gaman
Ég skellti mér, ásamt Kalla og Eddu, á afmælistónleika dordingull.com en hann er 9 ára Egill og bræður voru að spila sitt annað gigg, Sleeps like an angry bear, og djöfull voru þeir góðir ! Ég var að fíla þá í botn, gleymdi mér alveg í síðasta laginu og fann bara tónistina streyma um allan líkamann! Líka andskoti töff bræður Þeir höfðu þetta allt, rokkið, lúkkið og kynþokkann!!

Að auki sá ég Vargöld, en hann Siggi T úr andlát er söngvarinn á þeim bæ. Ég varð ekki fyrir vonbrigðum og fattaði hvað ég sakna svoan tónlistar, svona metalcore eitthvað. Mjög skemmtilegt
Nú sit ég hér með suð fyrir eyrunum og verki í löppunum (óvön skónnum mínum)

Svo fer að styttast í Tyrkland!! Ég á þó ennþá eftir að kaupa mér baðföt. Mér blöskraði bara þegar ég fór og kíkti á topp af svona bikini (vanir menn segja tankini) og hann kostaði 4000 kr! engar buxur með....svo hætti ég að hneykslast þegar mér var sagt að bikini í útilíf eða eitthvað kostar 18.000......ég verð bara nakin...

Helgi framundan....njótið hennar

Ég er komin í páskafrí

þetta er nú kannski ekki mikið frí, eins og stendur í dagbókinni þá er þetta bara páskaleyfi. Það verður mikið lært í þessu páskafríi en einnig mikið borðað, mikið smjattað og mikið kúrt

þá er vettvangsnámið búið loksins!! en verkefnin, þau eru ekki búin ó nei. en bráðum ...bíðið bara

Það var alveg ótrúlega gaman að vera á þessum leikskóla og fékk ég sko fullt af kossum og knúsum þegar ég fór ég fer pottþétt að vinna þarna seinna ...þetta er frábær skóli með rosalega skemmtilega og flotta stefnu

Haldiði ekki að stelpan ætli að skella sér á íshokki leik á morgun? jújú þar sem íþróttaleikirnir sem ég hef farið á er afskaplega fámennur flokkur (telur einn leik) þá ákvað ég að skella mér og sjá hana Steinunni Erlu landsliðskvís keppa í íshokki í stúlkan er einmitt á leið til Rúmeníu á HM í íshokki kvenna. Jújú það er allt til

Fékk Ronaldo treyjuna mína í gær Steinunn fór á man utd leik og keypti eitt stykki treyju fyrir stúlkuna. Ég vildi endilega fá svarta og því varð hún að kaupa XXL í drengjastærð! kemur afskalega vel út

Hvað er málið með kennarann sem fær 10 millurnar. Nenni ekki að leita að fréttinni á mbl en það var víst 11 ára stúlka með aspager heilkenni sem var að rífast við skóalbræðurnar og fór inn í einhverja geymslu með rennihurð og kennarinn ætlar að athuga með hana og stingur hausnum inn og hún skellir á hausinn. kennarinn orðin 25% öryrki eftir á og bara fór í mál við mömmu stelpunar og vann ! Stelpan þarf að borga 10 millur plús 1 millu í málskostnað! þetta er bara djók´. Skólinn og sveitafélagið á að bera ábyrgð á þessu og greiða kennaranum. þú heldur ekki 11 ára gamla stelpu ábyrga fyrir svona máli þegar hún er reið og sár og er að flýja inn í geymslu! Hún er ekki alveg að hugsa um hvaða skaða þessi hurð getur gert ....en jæja ég vona bara að þessu verði áfryjað fáránlegt mál alveg hreint ...

þá hef ég bara ekkert annað að segja

læt eina mynd fylgja með svona til að lífga upp á þetta dull blogg